De Kannerchouer vun de Sauerquakerten gouf 2006 gegrënnt, ënnert anerem op Initiative vum deemolege Buergermeeschter Luc Bonblet, mat der Iddi och de Kanner Musek a Gesang méi no ze bréngen.

Ouni gréisser musikalesch Virkenntnesser kann a soll jidder Kand bei de Sauerquaerten Geleeënheet kréien hier eege Stemm ze entdecken.

Mat vill Motivatioun leieren, probéieren a lauschteren dat ass eist Ziel. Donieft bleift ëmmer Platz senger eegener Kreativitéit fräie Laf ze loossen an ouni groussen Drock Gefiller an Emotiounen duerch de Gesang auszedrécken.

 Mir bidden 3 verschidden Altersklassen u.

Gesonge gi Lidder quer durch den Garten awer ëmmer adaptéiert op déi verschidden Altersgruppen. Nieft dem Sange spillt och de Rhythmus eng grouss Roll, spilleresch gëtt dësen ëmmer nees mat agebonnen a gefërdert.

Chorale heescht och Zesummenhalt, Kanner leiere parallel an engem Grupp ze funktionéieren, een op den aneren op ze passen an zesummen eppes ze schafen. Dat stäerkt hier Selbstvertrauen a fuerdert Éiergäiz an Disziplin.

Concerte sinn dofir e ganz wichtegen Deel vun de Sauerquakerten, d’Kanner solle Geleeënheet kréien hier Angscht virun der grousser Bün ze verléieren an ze weise wat si geleiert hunn. 

De Stolz an den Ae vun de Kanner ass eis gréisste Freet.